रचित पौडेल, पोखरा । नेकपा एमाले पोेखरा ७ ले वडाका विभिन्न स्थानमा मतदाता भेटघाट कार्यक्रमलाई निरन्तरता दिएको छ ।  उम्मेदवारहरुसँगै कार्यकर्ता र शुभेच्छुकको उल्लेखनिय उपस्थितीमा वडाका विभिन्न टोलमा मतदाता भेटघाट गरिएको हो ।

घरदैलो गरिरहँदा वडाका उम्मेदवारहरुलाई मतदाताले खादा र अविरसहित जीतको शुभकामना दिए । बिहान ८ बजेदेखि सुरु गरिएको भेटघाट कार्यक्रममा युवासँगै वृद्धवृद्धाहरुको समेत बाक्लो उपस्थिति रहेको थियो ।

पोखरा–७ मा नेकपा एमालेका तर्फबाट वडाध्यक्षमा किशोर बराल, खुला महिला सदस्यमा बसुन्धारा लामिछाने, दलित महिला सदस्यमा सुनिता सुनार, खुला सदस्यमा अर्जुन थापा र विष्णुमणि बराल रहेका छन् ।

साथमा, नेकपा एमालेका नेता खगराज अधिकारी, प्रदेश सभा सदस्य राजीव पहारीको उपस्थिति थियो । मेयर पदका उम्मेद्वार कृष्ण थापा र उपमेयर उम्मेदवार मञ्जुदेवी गुरुङले पनि पोखरा ७ मा पुगेर आज मत मागे ।