पोखरा । पोखरा २५ का वृद्ववृद्धाको एउटै बोली छ, ‘अहिलेको चुनावमा जित एमालेकै हो, गठबन्धन भएर हिंडेका सबै एक दिन हामी (एमाले) सँग मिल्न आउँछन् ।’ उनीहरुले एकै घरका परिवारका सदस्य समेत नमिल्ने बताउँदै ५ दल मिल्नेमा विश्वास नभएको बताएका छन् ।

आसन्न स्थानीय तहको निर्वाचन केन्द्रित चुनावी घरदैलो कार्यक्रममा एमाले उम्मेद्वार जिताउन वृद्ववृद्धाको पनि र जोश र जाँगर युवाजस्तै छ ।

हेमजा निवासी ९० वर्षीय चित्रबहादुर कार्कीले अहिलेसम्म हार्न नजानेको एमालेको अब पनि निश्चित रुपमा विजयी हुने ठोकुवा गरे । उनले पहिले बहुमत आएको ठाउँमा अव पुरै एमालेमय हुने विश्वास व्यक्त गरेका छन् । उनले थपे, ‘ढुक्क भए हुन्छ, जित एमालेको हो, हाम्रो हो ।’

अर्का वृद्व होमबहादुर थापाले पोखरा २५ मा अग्रजले राखेको कृतिमान र विरासत कायम राख्नु अहिलेको पुस्ताको मुख्य जिम्मेवारी भएको बताउँदै युवा जागरुक भएर जसरी हुन्छ, अहिलेको गठबन्धनलाई परास्त गरेर एमाले उम्मेदवारलाई जिताउन सुझाव दिएका छन् ।

यो पटक एमालेको तर्फबाट वडा नं २५ मा वडाध्यक्ष पदका उमेद्वार तिर्थबहादुर थापा, सदस्य सुवास भण्डारी, कृष्णबहादुर कुवँर, महिला सदस्य धनकुमारी पोखरेल तिमिल्सिना, दलित महिला सदस्य तारा विश्वकर्मा चुनावी मैदानमा छन् ।