पोखरा । विगतका बर्षमा झैं यसबर्षपनि काठमाडौँ वर्ल्ड स्कूलले नेपाल टुर गरिरहेको छ । मुलुकका ठूला शहरहरुमा स्वदेशी शिक्षा प्रवर्द्धन अभियान जारी रहेको स्कूलले जनाएको छ ।

चितवन, बुटवल, भैरहवा लगायतका शहरमा अभियान सम्पन्न गरिसकेको स्कूलले यही वैशाख ३ गते पोखराको लेकसाइड स्थित होटल सहारामा शैक्षिक कार्यक्रम गर्दैछ । कार्यक्रम शनिबार दिउँसो २ बजेदेखि हुनेछ ।

बेलायतको पाठ्यक्रमका आधारमा नेपालमै अन्तर्राष्ट्रिय स्तरको शिक्षा अध्ययन गराउने उक्त स्कूलले गत वैशाखमा पनि पोखरामा शैक्षिक कार्यक्रमको आयोजना गरेको थियो । स्कूलले देशैभरि अन्तरक्रियात्मक नेपाल टुर कार्यक्रम गरिरहेको छ ।

स्वदेशमै गुणस्तरीय शिक्षाको खोजीमा रहेका विद्यार्थीलाई लक्षित गरी नेपाल टुर गरिएको स्कूलले जनाएको छ । स्कुलका अध्यक्ष इञ्जिनियर डा. ई. मिथिलेस कुमार झाले गुणस्तरीय शिक्षाको खोजीमा विदेशीनुपर्ने बाध्यता हटाउन स्कुल स्थापना गरिएको बताएका छन् ।

शैक्षिक मेलामा अभिभावक, विद्यार्थी, शिक्षा क्षेत्रका सरोकारवालाहरुबीच स्वदेशी शिक्षा प्रर्वद्वनबारे समेत छलफल हुनेछ । स्कूलका प्राचार्य केशर खुलालले नेपाल टुर मार्फत स्कुलको शैक्षिक गतिविधिबारे बुझाइने बताए । उच्चशिक्षाको खोजीमा विदेशीने विद्यार्थीलाई लक्षित गरी स्वदेशमै अन्तर्राष्ट्रिय पूर्वाधार सहितको स्कुल स्थापना गरिएको उनको भनाई छ ।

नेपाल टुरको इभेण्टस् म्यानेजमेन्ट ड्रिम हाइ नेपालले गरेको छ । पोखरामा स्थानीय व्यवस्थापन प्रतिक ईभेण्ट्सले गरेको हो । चौधरी ग्रुपको सिजी होल्डिङ्गसद्वारा सञ्चालित भक्तपुरको सूर्यविनायकमा अवस्थित काठमाडौं वल्र्ड स्कुलले स्वदेशमै अन्र्तराष्ट्रिय मापदण्ड र सुविधा सहितको शिक्षा दिँदै आएको छ ।

यो स्कूल नेपालमा शैक्षिक गुणस्तरका कारण विशिष्टकृत स्कूलका रुपमा परिचित छ । विद्यार्थीको राम्रो भविष्यका लागि अभिभावकलाई छोराछोरी पठाउन काठमाडौ वर्ल्ड स्कूलले आग्रह समेत गरेको छ । अन्तरक्रियात्मक कार्यक्रममा पोखराका शैक्षिक क्षेत्रका सरोकारवाला, अभिभावकहरुको बाक्लो सहभागिता रहने अपेक्षा गरिएको छ ।

आधुनिक सिकाइको माध्यमबाट विद्यालय हाताभित्रै स्वीमिङ पूल, बगैंचा, खेल मैदान लगायतका सुविधा सम्पन्न आधुनिक भौतिक संरचनामा कक्षा संचालन गरेको स्कूलले जनाएको छ ।

२०७५ सालदेखि सञ्चालनमा आएको स्कूलले यही वर्षदेखि क्याम्ब्रिज विश्वविद्यालय स्तरको शिक्षा अध्ययन गराउने प्रक्रियामा रहेको स्कूलले जनाएको छ । हाल कक्षा १ देखि ५ सम्म बेलायती पाठ्यक्रम, ६ देखि ९ सम्म राष्ट्रिय पाठ्यक्रम अध्यापन हुँदै आएको छ । कक्षा १२ मा अहिले विज्ञान, व्यवस्थापन, मानविकी तथा कानून संकायको अध्यापन हुँदै आएको स्कूलले जनाएको छ ।

सम्बन्धित समाचारः

अन्तर्राष्ट्रिय स्तरको काठमाडौं वर्ल्ड स्कूलको पोखरामा शैक्षिक अन्तरक्रिया