काठमाण्डौ। पूर्व तीन अर्थमन्त्रीहरुले सरकारको कमजाेरी देखाउँदै अर्थतन्त्र धरासायी हुँदै गएकाे धारणा सार्वजनिक गरेका छन् ।
आइतबार काठमाण्डौमा आयोजित संयुक्त पत्रकार सम्मेलनमा नेकपा एमालेका तीन पूर्व अर्थमन्त्रीहरु विष्णु पौडेल, सुरेन्द्र पाण्डे र डा. युवराज खतिवडाले सरकारले अर्थतन्त्र सुधार गर्न नसकेको र आफ्नो कमजोरी छोप्न नेपाल राष्ट्र बैंकका गभर्नरलाई निलम्बन गरेको आरोप लगाएका हुन् ।
उनीहरुले सरकारले विस्थापन विधेयक ल्याएसँगै अर्थतन्त्र ओरालो लाग्न थालेको पनि आरोप लगाएका छन् ।
पूर्व अर्थमन्त्रीहरुले हालको अर्थतन्त्रको अवस्थाबारे १२ बुँदामा आफ्नो धारणा सार्वजनिक गर्दै सरकारले भनेजस्तो आर्थिक वृद्धि नहुने बरु अर्थतन्त्र धरासायी हुँदै जाने दाबी गरिएकाे छ ।