अनिषा नेपाली, पोखरा । अन्तर्राष्ट्रिय नारी दिवसको अवसरमा ब्रह्माकुमारी ईश्वरीय विश्वविद्यालय लभ्लीहिल शाखाले नारी सशक्तिकरणद्वारा समृद्ध समाज विषयक प्रशिक्षण कार्यक्रम आयोजना गरेको छ ।
कार्यक्रमका प्रमुख अतिथि गण्डकी प्रदेशका सांसद मीना गुरुङले आत्मबल बढाउनको लागि महिलाले एक आपसमा सम्मानको शब्द प्रयोग गर्नुपर्ने बताइन् । ‘धर्म, संस्कृतिले नै अनुशाषित बनाउँछ । राम्रो लगाउनु र राम्रो देखिनु सशक्तिकरण होइन ।’ उनले भनिने– ‘हँसिलो अनुहारभित्र धेरै बेदनापनि लुकेको हुनसक्छ, नारी सशक्तिकरण भनेको नारीको क्षमता र नेतृत्व हो । जसको लागि क्षमता अभिवृद्धि तालिम, स्वस्थ रहन योग, ध्यान, जपतप गर्नुपर्छ ।’
सुन्दरता भनेको मनको पवित्रता र शुद्धता हो भन्दै गुरुङले प्रजनन र ममताको शक्तिलाई कमजोर नबनाई यो शक्तिलाई समाज निर्माणमा लगाउनुपर्नेमा जोड दिइन् ।
ब्रह्माकुमारी ईश्वरीय विश्वविद्यालय लभ्लीहिल शाखा प्रमुख राजयोगिनी ब्रह्मकुमारी सुधा दिदीले प्रशिक्षणात्मक प्रवचन दिँदै नारीलाई सशक्त बनाउनको लागि नारीमा विद्यमान विशेषताहरु र शक्तिहरुलाई जागृत गर्नुपर्ने र आफू भित्रका कमी कमजोरीहरुलाई महसुस गरी सुधा गर्दै जानुपर्दछ र। जसबाट सृष्टि परिवर्तन सम्भव हुने बताइन् ।
‘विश्व परिवर्तनको भूमिकामा नारीले अग्रणि भूमिका निभाउनुपर्दछ । अध्यात्मिक सशक्तिकरणबाट नै नारीको सशक्तिकरण सम्भव हुन्छ । अध्यात्मिक सशक्तिकरणबा नै नारीको दृष्टिकोणमा परिवर्तन, जीवनमा शान्ति, उमंग, उत्साह, शक्तिको अनुभव गर्न सकिन्छ ।’ उनले भनिन् – ‘वर्तमान समयमा साना साना कुराहरुबाट आफूलाई मुक्त पारेर ती कुराहरुबाट माथि उठेर नै सुशी जीवन यापन गर्न सम्भव हुनेछ । एउटा असल नारी कठिन परिस्थितिमा पनि आवेगमाथि नियन्त्रित हुन्छिन् । उनी सृष्टिकर्ता, प्रथम गुरु, चरित्र निर्माणमा कुशल नेतृत्व र स्नेहपूर्ण पालनकी खानी हुन् ।’
कार्यक्रममा पोखरा महानगरपालिका वडा नं. १, ४, ५ र १८ मा रहेका विभिन्न आमा समूह, महिला समूह एवं टोल विकास संस्थाका अध्यक्ष, पदाधिकारी एवं सदस्य गरी १५० जना बढीको सहभागिता रहेको थियो ।
बह्माकुमारीज् लभ्लीहिलका सहसञ्चालिका ब्रह्माकुमारी चन्द्रिका दिदीले स्वागत गरेको कार्यक्रममा ब्रह्माकुमार लोकनाथ काफ्लेले धन्यवाद ज्ञापन गरे ।
सम्बन्धित खबर
अध्यादेश ल्याउनु अहिलेको आवश्यकता हो : सञ्चारमन्त्री गुरुङ
विद्यार्थी घटेपछि पर्वतका दुई क्याम्पस गाभिए
तनहुँमा बसबाट खसेर सहचालक पोखराका युवकको मृत्यु
तेस्रो वडा अध्यक्ष कपको उपाधि बौदीकालीलाई
कुमारी ब्युटीको उद्घाटनमा रीमाले भनिन्, ‘आफूले प्रयोग गर्ने प्रडक्टबारे चेतना जरुरी छ’
माछापुच्छ्रे –९, सिधिङमा साविक वडा स्तरीय खुल्ला पुरुष भलिबल प्रतियोगिता हुने
यो पनि पढौँ
स्याङ्जाका निरजलाई आठौं पटक ठेलोको उपाधि
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी
पोखराको ढुंगेसाँघु मेला निरन्तर