पोखरा ।     कास्की प्रहरीले अवैध लागु औषधसहित एक युवकलाई पक्राउ गरेको छ।
जिल्ला प्रहरी कार्यालयबाट खटिएको प्रहरीको टोलीले पोखरा महानगरपालिका वडा नं -१३ काहुँखोलाबाट आइतबार बिहान पोखरा -२६ बुढीबजार बस्ने २८ वर्षीय दिपक परियारलाई लागु औषध सहित पक्राउ गरेको हो।

प्रहरीका अनुसार परियारले पोखरा नगर क्षेत्रका विभिन्न स्थानमा लागु औषधको कारोबार गर्छन् भन्ने विशेष सूचनाको आधारमा खटिएको प्रहरीले उनलाई शंकास्पद अवस्थामा फेला पारी जाँच गर्दा उनको साथबाट डाईजापाम ९४ एम्पुल, फेनेरागन ९४ एम्पुल र नुर्फिन–९४ एम्पुल गरी जम्मा २८२ एम्पुल लागु औषध लगायत उनले प्रयोग गरेको ग १२ प ३९७३ नम्बरको मोटरसाइकल सहित नगद ४ हजार र मोवाइल वरामद गरेको हो।

पक्राउ परेका उनीमाथि लागु औषध सम्बन्धी मुद्धामा जिल्ला अदालतबाट ५ दिनको म्याद थपको अनुमति लिएर अनुसन्धान कार्य शुरु गरिएको प्रहरीले जनाएको छ।