काठमाडौं । राष्ट्रिय प्रजातन्त्र पार्टी (राप्रपा)ले केन्द्रीय कार्यसमितिको सदस्य पदमा नायिका रेखा थापा सहित १४ जना महिलालाई मनोनयन गरेको छ ।

राप्रपाका प्रवक्ता मोहन श्रेष्ठका अनुसार अध्यक्ष राजेन्द्र लिङ्देनले पार्टीको विधानबमोजिम १४ जनालाई केन्द्रीय कार्यसमितिको सदस्य पदमा मनोनयन गरेका हुन् ।

लीलादेवी श्रेष्ठ इलाम, विन्दु पौडेल नवलपुर, रेखा थापा काठमाडौं, प्रेक्षा मल्ल धनुषा, मीना झा सर्लाही, सन्तोषी शाही ठकुरी सुर्खेत, स्वाती थापा रुपन्देही, पुष्पा रजौरिया कपिलवस्तु, लक्ष्मी तण्डुकार काठमाडौं, समृद्धि राणा उदयपुर, मीना न्यौपाने चितवन, शान्ति माया गुरुङ धादिङ, जयाकुमारी महतो सप्तरी र सावित्रा थापा काठमाडौं केन्द्रीय कार्यसमितिको सदस्य पदमा मनोनयनमा परेका हुन् ।

मनोनीत हुने १४ जनामा तेस्रो नम्बरमा रेखा थापाको नाम छ ।

केन्द्रीय सदस्यमा मनोनित नायिका थापा राप्रपाको महाधिवेशनमा महामन्त्रीको उम्मेदवार बनेर पराजित भएकी थिइन् ।