पोखरा।   पछिल्लो २४ घण्टामा गण्डकीका थप १४ जनामा कोरोना पुष्टि भएको छ।

प्रदेश स्वास्थ्य निर्देशनालयको कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १५५ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको हो ।

बिहीबार संक्रमण पुष्टि हुनेमा गण्डकीका ५ जिल्लाका छन् । जसअन्तर्गत कास्कीका १० जना, तनहुँका १ जना, लमजुङका १ जना, नवलपुरका १ जना र स्याङ्गजा जिल्लाका १ जनामा कोरोना पुष्टि भएको छ।

आज संक्रमण पुष्टि भएकासँगै गण्डकीमा कोरोना संक्रमितको कूल संख्या १ लाख १६३३ पुगेको छ ।

यस्तै पछिल्लो २४ घण्टामा गण्डकीबाट १३६ संक्रमणमुक्त भएका छन् । योसँगै, प्रदेशमा संक्रमणमुक्त हुनेको संख्या ९९ हजार ३३६ पुगेको छ। भने, अहिले प्रदेशभर ८३४ सक्रिय संक्रमित छन् ।

बिहीबार गण्डकीमा थप २ जनाको मृत्यु पुष्टि भएको छ। मृतक कास्की जिल्ला पोखरा महानगरपालिका -१७ निवासी ८८ वर्षीय वृद्ध र तनहुँ ब्यास नगरपालिका -१२ निवासी ७० वर्षीया महिला छन्। योसँगै, गण्डकीमा कोरोना संक्रमणका कारण ज्यान गुमाउनेको संख्या १४६३ पुगेको निर्देशनालयले जनाएको छ ।