पोखरा।    पछिल्लो २४ घण्टामा गण्डकीका थप ५५ जनामा कोरोना पुष्टि भएको छ।

प्रदेश स्वास्थ्य निर्देशनालयको कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका २४२ जनामा गरिएको नमुना परीक्षणमा उक्त संख्याका मानिसको रिपोर्ट कोरोना पोजेटिभ आएको हो ।

बुधबार संक्रमण पुष्टि हुनेमा गण्डकीका ८ जिल्लाका छन् । जसअन्तर्गत कास्कीका २८ जना, तनहुँका ४ जना, लमजुङका ६ जना र नवलपुरका एक जनामा कोरोना पुष्टि भएको छ।

यस्तै, स्याङ्गजाका ४ जना, पर्वत २ जना, बाग्लुङका ३ जना र म्याग्दी जिल्लाका ७ जनाको परीक्षण रिपोर्ट कोरोना पोजेटिभ आएको निर्देशनालयले जनाएको छ। आज संक्रमण पुष्टि भएकासँगै गण्डकीमा कोरोना संक्रमितको कूल संख्या १ लाख १६१९ पुगेको छ ।

यस्तै पछिल्लो २४ घण्टामा गण्डकीबाट ४६ संक्रमणमुक्त भएका छन् । योसँगै, प्रदेशमा संक्रमणमुक्त हुनेको संख्या ९९ हजार २०० पुगेको छ। भने, अहिले प्रदेशभर ९५८ सक्रिय संक्रमित छन् ।

गण्डकीमा हालसम्म कोरोना संक्रमणका कारण ज्यान गुमाउनेको संख्या १४६१ रहेको निर्देशनालयले जनाएको छ ।