काठमाडौं। अवैध रुपमा नेपाल ल्याउँदै गरेको करिब ४ केजी ८ सय ४० ग्राम सुन जस्तो देखिने अर्धठोस पदार्थसहित प्रहरीले एक चिनियाँ नागरिकलाई पक्राउ गरेको छ।

शनिबार बिहान ९ः३० बजे उडान नम्बर एच ९५६६ को हिमालय एयरलाइन्सको जहाजबाट आएका चिनियाँ नागरिक राहदानी नम्बर इजे ०२४८१३१ बाहक ३६ वर्षीय झाङ झ्याङ ली’ को साथबाट विमानस्थलको भन्सारमा सुराक्षार्थ खटिएको टोलीले उक्त परिमाणको सुन जस्तो पदार्थसहित पक्राउ गरेको हो।

प्रहरीका अनुसार अन्तर्राष्ट्रिय बिमानस्थल भन्सार कार्यालय अराईभल ट्रनेल गेट नजिक जाँच गर्नेक्रममा ७ वटा पोकामा भित्री पोशाकभित्र लुकाई ल्याएको उक्त पदार्थ फेला पारी पक्राउ गरेको हो । ल्याव रिपोर्टका अनुसार उक्त वस्तु नेपालमा प्रयोग हुने गुणस्तर बराबरको सुन भएको विमानस्थल भन्सार कार्यालयले जनाएको छ।

पक्राउ परेका उनीमाथि आवश्यक अनुसन्धान भैरहेको प्रहरीको भनाई छ।