पोखरा । राष्ट्रिय युवा संघ पोखरा १८ नं. वडा कमिटिको अध्यक्षमा धन पुन चयन भएका छन् । संघको ५ औं वडा अधिवेशनले उपाध्यक्षमा अश्विन भन्डारी, सचिवमा झपेन्द्र भुजेल, सहसचिवमा भगवान पहारी र सुनिल ढकाललाई चयन गरेको हो ।

यस्तै, युथ फोर्सको वडा कमिटिको अध्यक्षमा मदनमणि तिमिल्सिनालाई चयन गरेको छ । उपाध्यक्षमा ललित गोतामे, सचिवमा अनुज थापा तथा सहसचिवमा मिलन थापामगर र आशिष थापालाई चयन गरेको छ ।

अधिवेशनका प्रमुख अतिथि नेकपा एमालेका गण्डकी प्रदेश सचिव एवं पूर्वमन्त्री जगत बहादुर विश्वकर्माले समग्र पार्टीको बारेमा बताउँदै अब युवाहरु पार्टीको काममा लाग्नु पर्ने बताए। देश विकासका लागि युवाहरु अग्रपथमा रहनु पर्नेमा उनको जोड थियो ।

अध्यक्ष विष्णु थापाको अध्यक्षतामा भएको कार्यक्रममा शुशिल जिसीले स्वागत तथा धनबहादुर पुनले सञ्चालन गरेका थिए । विशेष अतिथी दिपक पौडेल, रण बहादुर थापा लगायतले बोलेका थिए ।