पोखरा । पोखराका पर्स्याङमा रहेको सिद्धार्थ बैंकको शाखा कार्यालयका ग्राहक र त्यसका सेवाग्राहीले स्वास्थ्य प्रयोगशालामा छुट पाउने भएका छन् । गण्डकी प्रदेशको पहिलो रेफरेन्स ल्याब युनाइटेड रेफरेन्स ल्याबोरेटरी प्रालि(युआरएल) र बैंकको शाखाबीच बिहीबार यो सम्झौता भएको हो ।

सम्झौतापत्रमा युआरएल अध्यक्ष ठाकुरप्रसाद पन्त र बैंकका पस्र्याङ शाखा प्रमुख अनिरुद्र बरालले हस्ताक्षर गरेका छन् । अब युआरएलमा हुने सबै रक्त परीक्षणमा सिद्धार्थका सेवाग्राही र कर्मचारीले ३० प्रतिशत छुट पाउने छन् ।

सर्वसाधारणलाई सहज र सुलभ तवर गुणस्तरीय सेवा दिन विभिन्न संघ, संस्थासँग सहकार्य गर्दै आएको युआरएल अध्यक्ष पन्तले बताए ।

युआरएलसँग छुट सम्झौता भएको यो ४६ औं संस्था हो । पोखराको सभागृहचोकमा प्रधान कार्यालय रहेको युआरएलले पोखराकै हस्पिटलचोक, दुलेगौंडा, दमौली, बेंसीसहर र वालिङबाट सेवा दिइरहेको छ ।