पाकिस्तानी अधिकारवादी तथा नोबल शान्ति पुरस्कार विजेता मलाला युसूफजाइले विवाह गरेकी छिन्। मलालाले असर मलिकसँग इस्लामिक परम्पराअनुसार बेलायतको बर्मिङ्घममा विवाह गरेकी हुन्।
मलाला र असरले निकाह गरेका हुन्। निकाहमा बेहुली र बेहुलाले विवाह स्वीकार गर्ने इस्लामिक परम्परा रहेको छ। २४ वर्षकी महिला अधिकार अभियन्ता मलालाले निकाहलाई आफ्नो जीवनको अनमोल दिन भनेकी छन्।
बेलायतको बर्मिङ्गममा विवाह सम्पन्न भएको उनले मंगलबार सामाजिक सञ्जालमा जानकारी दिएकी छन्।
सन् २०१२ मा बालिका शिक्षाको पक्षमा गरेको वकालतकै कारण तालिबानले उनीमाथि आक्रमण गरेको थियो। १५ वर्षीया उनको त्यतिबेला बेलायतमा उपचार गरिएको थियो।
टाउकोमा गोली लागेर पनि बाँच्न सफल भएकी मलालाले बालिका शिक्षा र महिला अधिकारको पक्षमा निरन्तर वकालत गर्दै आएकी छन्। आक्रमणपश्चात उनी परिवारसहित बेलायतको वेस्ट मिडल्याण्डमा शरण लिएर बस्दै आएकी छन्।
उनले १७ वर्षको उमेरमा नोबेल शान्ति पुरस्कार पाएकी थिइन्। उनी सो पुरस्कार पाउने सबैभन्दा कम उमेरकी व्यक्ति हुन्।
This will close in 4 seconds
सम्बन्धित खबर
अमेरिकामा टिकटकमाथि प्रतिबन्ध लगाउने पक्षमा सर्वोच्चको फैसला
पाकिस्तानका पूर्व प्रधानमन्त्री खान भ्रष्टाचार मुद्दामा दोषी ठहर, १४ वर्ष जेल
भारतमा साँढे जुधाइ प्रतियोगिताको क्रममा ७ जनाको मृत्यु
गोरखा भर्ती खुलाउन भारतीय सेनापतिको नेपालसँग आग्रह
बलिउड अभिनेता सैफ अली खानमाथि चक्कु प्रहार
दक्षिण कोरियाली राष्ट्रपति पक्राउ
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी