पाँचथर । पाँचथरको फिदिम नगरपालिका–४ सरखण्डेमा आज बस दुर्घटना हुँदा दुई जनाको मृत्यु भएको छ । मृत्यु हुनेमा एक बालक र एक महिला छन् ।

दुर्घटनामा गम्भिर घाइते भएका उनीहरुलाई उपचारका लागि समर्पित अस्पताल पु¥याइएकोमा चिकित्सकले मृत घोषित गरेका हुन् ।

उनीहरुको सनाखत भने भएको छैन । दुर्घटनामा अन्य ६२ जना घाइते छन् । घाइतेमध्ये १५ बालबालिका छन् ।

घाइतेमध्ये जिल्ला अस्पतालमा उपचाररत चार जनालाई झापा पठाइएको छ । जिल्ला अस्पतालसहित समर्पित र पाथीभरा अस्पतालमा उपचाररत थप १० जनालाई अन्यत्र पठाउने तयारी गरिएको छ । घाइतेमध्ये समर्पित अस्पालतमा उपचाररत तीन जना सामान्य उपचारपछि घर फर्केका छन् ।

फिदिम–४ शिवादोभानबाट झापाका लागि छुटेको को१ख ३८६५ नम्बरको बस बिहान करिब ११ः३० बजे सडकबाट झरेर दुर्घटना भएको थियो ।

अर्को सवारी साधनलाई ओभरटेक गर्ने क्रममा सडकको डिलबाट बस अगाडि बढ्दा करिब २० मिटर तल खोंचमा खसेको हो । दुर्घटनामा बसमा सवार सबै यात्रु घाइते भएका थिए ।