पोखरा। पक्राउ परेका व्यक्तिलाई छुटाई दिन्छु भन्दै रकम ठगी गर्न खोज्ने दुई जनालाई प्रहरीले पक्राउ गरेको छ।
गत असोज १९ गते पोखरा -१९ लामाचौरमा जुवा तथा सट्टेबाजी गर्न नहुने मुद्धामा अनुसन्धानमा रहेका प्रतिवादीलाई छुटाइदिने भन्दै नगद पाँच लाख ठगी गर्न खोज्ने दुई जनालाई कास्की प्रहरीले आइतबार पक्राउ गरेको हो।
पक्राउ पर्नेमा काभ्रे जिल्ला खानिखोला गाउँपालिका वडा नं -१ घर भइ हाल पोखरा -५ बस्दै आएका २९ वर्षीय चन्द्र बहादुर बल र गोरखा जिल्ला शहीद लखन गाउँपालिका वडा नं -१ घर भइ पोखरा -२६ अर्घौंचोक बस्दै आएका ३१ वर्षीय जीवन गुरुङ रहेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए।
हमालका अनुसार उनीहरुले जुवा तथा सट्टेबाजी मुद्धामा अनुसन्धानमा रहेका प्रतिवादीहरुलाई आफूहरुले प्रहरी, वकिल र अदालतमा चिनेका व्यक्तिहरु भएको र मुद्धा मिलाइदिने भन्दै पाँच लाख माग गरेका थिए।
घटनाको जाहेरीको आधारमा प्रहरीले उनीहरुलाई पक्राउ गरेको हो। पक्राउ परेका उनीहरुमाथि ठगी, अपराधिक विश्वासघात तथा आपराधिक लाभ सम्बन्धी कसुरमा जिल्ला अदालतमा म्याद थप गरी अनुसन्धान कार्य अगाडि बढाइएको प्रवक्ता हमालले जानकारी दिए।
This will close in 4 seconds
सम्बन्धित खबर
प्रेम सम्बन्ध बिग्रिएपछि युवतीको तस्वीर दुरूपयोग गरी चरित्र हत्या गर्ने युवक पक्राउ
रुपन्देहीमा कुटपिटबाट एक भारतीय मजदुरको मृत्यु
आशिका तामाङलाई पाँच दिन हिरासतमा राख्न अनुमति
रविको विपक्षमा बहस गर्ने अधिवक्ता दिनेश त्रिपाठीमाथि अदालतमै हातपात
रास्वपा सभापति रवि लामिछानेलाई साधारण तारेखमा छाड्न उनी पक्षीय वकिलले माग
थुनछेक बहसका लागि रवि लामिछानेलाई अदालत उपस्थित गराइयो
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी