अविरल वर्षाका कारण आएको बाढी, पहिरो र डुबानमा परी मृत्यु हुनेको संख्या ७७ पुगेको छ । बेपत्ता हुनेको संख्या २६ रहेको छ भने घाइते हुनेको संख्या २२ पुगेको छ ।

गृह मन्त्रालयका अनुसार अहिलेसम्म २७ जना बेपत्ता छन्। कूल २२ जना घाइते छन् भने २७ घर पूर्ण क्षति भएको छ। पहिरोले सबैभन्दा बढी मानवीय क्षति पाँचथरमा पुर्‍याएको छ । पहिरोमा परी पाँचथरमा मात्रै २४ जनाको मृत्यु हुँदा ६ जना घाइते भएका छन् ।

यस्तै, कालीकोटमा एक, बैतडीमा चार, डडेल्धुरामा एक, बझाङमा दुई, हुम्लामा छ, सोलुखुम्बु र प्युठानमा एक/एक, धनकुटामा सात, मोरङमा एक, सुनसरीमा दुई र उदयपुरमा दुई जनाको मृत्यु भएको छ।

बाढी/पहिरोमा परेर बझाङमा सबभन्दा बढी २१ जना हराइरहेका छन्। यस्तै, जुम्लामा एक, प्युठानमा दुई र इलाममा तीन जना बेपत्ता छन्।

गएको असोज ३१ गतेदेखि नेपालमा विभिन्न क्षेत्रमा भारी वर्षा भैरहेको छ। सरकारले बाढी पहिराबाट मृत्यु हुनेका परिवारलाई क्षतिपूर्ति दिने निर्णय गरिसकेको छ।