पूर्व फिफा रेफ्री लब खत्रीको आकस्मिक निधन भएको छ । ५० बर्षिय खत्रीको सोमबार निधन भएको हो ।  बिहान बथरुममा लडेर टाउँकोमा चोट लागेपछि नख्खुस्थित मेडिसिटी अस्पताल पुर्याएको र त्यहाँ उनलाई मृत घोषित गरिएकाे थियाे ।

घरेलु फुटबलका चर्चित रेफ्री मध्येका खत्री बिहान मर्निङवाकबाट फर्केपछि बाथरुम छिरेको र त्यहि लडेर अचेत भएपछि अस्पताल लगिएको थियो ।

पछिल्लो समय खत्री रेफ्री इन्स्ट्रकरका रुमा सक्रिय थिए । उमेर हदका कारण सन् २०१८ मा उनले फिफा रेफ्री छाड्न परेको थियो । उनले ए डिभिजन टोली थ्री स्टार, जावलाखेल युथ र फ्रेन्ड्स क्लबबाट फुटबल खेलेका थिए । अन्तिम श्रद्धान्जलीका लागि खत्रीको शव सातदोबाटोस्थित एन्फा कम्प्लेक्समा राखिएको थियाे ।

राष्ट्रिय तथा अन्तर्राष्ट्रिय फुटबल प्रतियोगितामा समेत कुशल निर्णायकको भूमिका निभाएका खत्री खेलाडी तथा रेफ्री साथीहरु माझ पनि लोकप्रिय थिए ।

रेफ्री संघका महासचिव समेत रहेका खत्रीको परिवारमा श्रीमती र एक छोरा छन् ।