पोखरा महानगरपालिकाको गेट अगाडि नै रहेको यात्रु प्रतिक्षालयमा गरिएको मदिराको विज्ञापन हटाइएको छ ।

पोखरामा राष्ट्रिय फुटसल जारी छ । यसै फुटसलको प्रचार स्वरुप पोखराको ठाउँ ठाउँमा आयोजकले मदिरा कम्पनीको प्रायोजित विज्ञापन गरेको थियो । महानगर अगाडिको प्रतिक्षालयसहित पोखराका अन्य विभिन्न स्थानमा रहेका यात्रु प्रतिक्षालयहरुमा फुटसलबारे गरिएको प्रचार सामाग्रीमा मदिराको समेत विज्ञापन समावेश थियो ।

‘अब पालो फुटसलको’ लेखिएको प्रचार सामाग्रीमा रक्सीको विज्ञापन गरिएको थियो । उक्त सामाग्रीलाई लिएर समाजिक सञ्जालहरुका चौतर्फी आलोचना भएको थियो ।

नागरिक समाज, वडा अध्यक्षलगायत सर्वसाधारणबाट समेत चौतर्फी विरोध भएपछि ती सामाग्री हटाइएको महानगर श्रोतले जनाएको छ । सार्वजनिक स्थलहरुमा चुरोट, सूर्ती तथा मदिराजन्य पद्धार्थको प्रचारप्रसार गर्न नपाइने व्यवस्था छ ।

नागरिक समाज पोखराका संस्थापक संयोजक रामबहादुर पौडेलले नियम विपरित राखिएको उक्त मदिराको विज्ञापन स्वास्थ्य प्रतिकूल समेत भएकाले विरोध गरिएको जनाएका छन् । उनले यो विज्ञापन हटाउन अभियान नै चलाएका थिए ।

पहिले

अहिले

पहिले

अहिले

पहिले

अहिले