नेकपा एमालेका अध्यक्ष केपी शर्मा ओलीले पार्टी विभाजन गराउने मुख्य योजनाकार माधवकुमार नेपाल भएको आरोप लगाएका छन्। गोदावरीमा जारी पार्टीको विधान अधिवेशनमा राजनीतिक प्रतिवेदन पेस गर्दै ओलीले सो आरोप लगाएका हुन् ।

उनले पार्टी विभाजन गर्ने नेपालको योजनामा साथ नदिएर पार्टी एकताको पक्षमा उभिएको भन्दै उपाध्यक्ष भीम रावलसहितका नेताहरूले स्वागतयोग्य काम गरेको टिप्पणी गरेका छन् ।

ओलीले भने, ‘पार्टी एकता जोगाउन प्रदर्शित अधिकतम लचकताका बाबजुद हरहालतमा पार्टी विभाजन गरिछाड्ने माधव नेपालको योजना स्पष्ट भएपछि पार्टीभित्रको अन्तर्संघर्षमा साथमा रहनुभएका अधिकांश कमरेडहरू त्यसलाई अस्वीकार गरेर एकताको पक्षमा उभिनुभएको छ।

यो स्वागतयोग्य निर्णय हो।’ओलीले पार्टीको एकतालाई जोगाउनका लागि माओवादी केन्द्र पृष्ठभूमि भएका रामबहादुर थापालगायतका नेताहरूले सकारात्मक योगदान पुर्याएको पनि स्पष्ट पारे।