काठमाडौं । साताको अन्तिम कारोबार दिन आज (बिहिबार) सेयर बजारमा पुन: गिरावट आएको छ । तीन दिनपछि बुधबार बढेको बजारमा आज पुन: गिरावट आएको हो । लगातार घटिरहेको सेयर बजारमा बुधबार लागेको ‘ब्रेक’ एक दिन पनि टिन सकेन ।
पछिल्लो समय सेयर बजार दिनहुँजसो ओरालो लागिरहेको छ । आज सेयर कारोबार मापक नेप्से परिसूचक ३२.५१ अंकले घटेर २६३३.४२ बिन्दुमा पुगेको छ । आज सेन्सेटिभ ६.४१ अंकले बढेर ४९७.०५ बिन्दुमा पुगेको छ ।
बिहीबार कारोबार रकममा पनि भारी गिरावट आएको छ । आज कारोबार रकम ३ अर्बमा खुम्चिएको छ । बिहीबार १८६ कम्पनीको ७३ लाख २१ हजार १४ कित्ता सेयरहरू खरिद–बिक्री हुँदा कारोबार रकम तीन अर्ब ७० करोड ३० हजारमा सीमित भएको छ । यो साताको सुरुवाती तीन कारोबार दिनमा नै २०४ अंकको गिरावटपछि बुधबार नेप्सेमा ५० अंकको सुधार भएको थियो ।
आज ३ वटा कम्पनीको सेयरमूल्यमा सकारात्मक सर्किट लागेको छ । नेप्सेका अनुसार मनकामना स्मार्ट लघुवित्त, नेपाल फाइनान्स र मैलुङ्गखोला जलविद्युत कम्पनीको सेयर मूल्य १० प्रतिशतले बढेको हो ।
बजार परिसूचकसँगै बिहीबार व्यापार, अन्य र म्युचुअल फन्डबाहेक सबै उपसूचकमा गिरावट भएको छ । बजारलाई लिड गर्ने बैंकिङ उपसूचकमा १.०९ प्रतिशतको गिरावट हुँदा विकास बैंक उपसूचक सर्वाधिक ३.१८ प्रतिशत, हाइड्रोपावर उपसूचक २.८४ प्रतिशत र वित्त कम्पनी उपसूचक २.९८ प्रतिशतले घटेको छ ।
यता, व्यापार उपसूचकमा सर्वाधिक ३.९२ प्रतिशले वृद्धि हुँदा अन्य उपसूचक ०.२७ प्रतिशत र म्युचुअल फन्ड उपसूचक ०.१९ प्रतिशतले बढेको छ ।
बजारमा कारोबार रकम घट्दै जाँदा नेपाल बैंकको सर्वाधिक १२ करोडको सेयर किनबेच भएको छ । यस्तै, अपी पावरको १० करोड ८३ लाख, मेगा बैंकको १० करोड नौ लाख, हिमालयन डिस्टिलरीको नौ करोड ८५ लाख र नेपाल पुनर्बिमा कम्पनीको नौ करोड ४० लाखको सेयर किनबेच भएको छ ।
आज नेप्सेमा १८६ कम्पनीको सेयर कारोबारमा आएकोमा १४७ कम्पनीको सेयर मूल्यमा गिरावट हुँदा ३३ कम्पनीको बढेको छ । ६ कम्पनीको सेयर मूल्य भने स्थिर रह्यो ।
आज कारोबारमा आएका मध्ये नेपाल फाइनान्स, मनकामना स्मार्ट लघुवित्त, र मैलुङ खोला जलविद्युत् कम्पनीको सेयर मूलय १० प्रतिशतले बढेर सर्किट लेभलमा बन्द भएको छ । यस्तै, रुरु जलविद्युत् कम्पनीको सेयर मूल्य ६.०५ प्रतिशत र सिभिल लघुवित्तको सेयर मूल्य ५.२९ प्रतिशतले बढेको छ ।
यता, गुडविल फाइनान्सको सेयर मूल्यमा सर्वाधिक ६.८६ प्रतिशत, प्रिमियम इन्स्योरेन्सको सेयर मूल्य ६.२९ प्रतिशत र हिमालयन पावर पार्टनको सेयर मूल्य ६.२२ प्रतिशतले घटेको छ ।
सम्बन्धित खबर
जनताको आवश्यकता अनुसार प्रदेश संख्या घटबढ गर्न सकिन्छः प्रधानमन्त्री ओली
चैत ५ गते हुने स्ववियु चुनावको कार्यतालिका सार्वजनिक
बालेनको ट्रम्पलाई जवाफ– ‘हाम्रो देश तपाईंको भन्दा राम्रो छ भनेर महसुस गराएकोमा धन्यवाद’
कक्षा ११ र १२ को पुराना आंशिक तथा ग्रेडवृद्धि परीक्षाको समय तालिका सार्वजनिक
धादिङबाट जन्ती पुर्याएर फर्किएको बस काभ्रेमा दुर्घटनाः एक जनाको मृत्यु, चालक गम्भीर
देशका केही स्थानमा वर्षा र हिमपातको सम्भावना
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
कुम्भ मेलाबाट फर्किँदै गर्दा नेपाली सवार गाडी दुर्घटना, रुपन्देहीका ३ जनाको मृत्यु
पर्वतमा जीप दुर्घटना हुँदा एक जनाको मृत्यु, चालक गम्भीर
विराट चक्र विज्ञान पोखरा रंगशालामा नहुने