आशिष पुरी, पोखरा । रोट्र्याक्ट क्लब अफ न्यूरोड पोखराले विद्यार्थीलाई झोला तथा स्टेशनरी सामाग्री वितरण गरेको छ । क्लबले सञ्चालन गरेको झोला प्रोजेक्ट संस्करण अन्तर्गत यस वर्षपनि पोखरा २२ स्थित अनदु आधारभूत विद्यालयमा सहयोग प्रदान गरिएको हो ।

क्लबले विद्यालयमा झोला, शैक्षिक सामाग्रीको साथमा केही सरसफाईका सामग्रीहरु पनि वितरण गरेको जनाएको छ । क्लबका अध्यक्ष सुमन बरालको अध्यक्षतामा भएको कार्यक्रममा विद्यालयका १ देखि ५ सम्मका १८ जना विद्यार्थीहरुलाई शैक्षिक सामाग्री प्रदान गरिएको थियो ।

अध्यक्ष बरालले भने – यो हाम्रो आठौँ संसकरणको कार्यक्रम हो। विगतका वर्षहरुमा पनि यसैगरी आवश्यक परेका विद्यालयलाई शैक्षिक सामाग्री प्रदान गर्दै आइरहेका छौं । यसबाट विभिन्न विद्यलायका १ हजार भन्दा बढी विद्यार्थी लाभान्वित भइसकेका छन् । आगामी वर्षहरुमा पनि यस कार्यक्रमले निरन्तरता पाउनेछ ।

अनदु आधारभूत विद्यालयका प्रधानाध्यापक भविनाथ बरालले निकै पूरानो यो विद्यालयलाई सम्झेर रोट्र्याक्ट क्लब अफ न्यूरोड पोखराले सहयोग गरेकोमा धन्यवाद दिए ।