शनिबार गण्डकीका १८८ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १०२८ जनामा गरिएको नमुना परीक्षणमा थप १८८ जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका आठ जिल्लाका छन् । जसअन्तर्गत कास्कीका १३० जना, तनहुँका सात जना, गोरखाका एक जना, लमजुङका १३ जना र नवलपुरका १८ जनामा कोरोना पुष्टि भएको छ ।

यस्तै स्याङ्गजाका १३ जना, बागलुङका एक जना र म्याग्दी जिल्लाका पाँच जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ८२ हजार ३३७ पुगेको छ ।

पछिल्लो २४ घण्टामा गण्डकीबाट ४५६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ७८ हजार ३७९ पुगेको छ।

शनिबार गण्डकीमा कोरोना संक्रमणबाट मृत्यु संख्या छैन।

गण्डकीमा हालसम्म कोरोना संक्रमणका कारण ज्यान गुमाउनेको संख्या १३०६ रहेको निर्देशनालयले जनाएको छ।