पोखरामा वर्षा हुनेबित्तिकै जमिन भासिने क्रम जारी छ । बुधबार रातिको वर्षाले पोखरा ३ नदिपुरमा जमिन भासिएको छ । नदिपुरमामा तीन वटा घरमा क्षति पुगेको छ ।

स्थानिय देउ वहादुर पुन, छवि बहादुर पुन र बल बहादुर पुनको घरमा क्षति पुगेको छ । घर अगाडि आँगनमै भ्वाङ पर्दा गेट भत्किएको छ । सडकको बीचसम्म जमिन चर्किएको छ ।

पोखरा महानगरपालिका वडा नम्बर ३ का अध्यक्ष रबिन्द्रबहादुर प्रजुले थप क्षति हुन नदिन सबै बैकल्पिक उपाय अपनाउने र भत्किएका घर गेट बाटो चाँडै बनाउन वडा र महानगरपालिकाको तर्फबाट पहल गर्ने प्रतिवद्धता व्यक्त गरेका छन् ।

गतसाता मात्रै अविरल वर्षापछि पोखराको महेन्द्रपुलमै जमिन भासिएको थियो । यस्तै, पोखरा ६, लेकसाईड, जरेवर नजिक घरको बलेसी भासिएर भित्रसम्म भ्वाङ परेको थियो ।

यस्तै, पोखरा ५ मा पनि वर्षाका कारण शिव पौडेलको घरमा क्षति पुगेको छ ।

तस्वीरः पत्रकार दीपेन्द्र श्रेष्ठको फेसबुकबाट