पोखारा । पोखरामा पहिरोले घर पुरिँदा तीन जनाको मृत्यु भएको छ । पोखरा महानगरपालिका– ११ भञ्ज्याङ नमुना टोलका एक जना र पोखरा– २० भलामका दुई जनाको पहिरोमा पुरिएर मृत्यु भएको प्रहरीले जनाएको छ ।

भलामका कृष्णबहादुर श्रेष्ठको एकतले घर पहिरोले पुरिँदा ४५ वर्षीय कृष्ण श्रेष्ठ र उनकी ३५ वर्षिया श्रीमती सुनमाया तामाङको मृत्यु भएको हो । उनीहरुका तीन वर्षीय छोरा सन्तोष श्रेष्ठ बेपत्ता छन् ।

यसैगरी, नमूना टोलका लक्ष्य नेपालीको घर पहिरोले पुरिँदा ४२ बर्षिय लक्ष्य नेपालीको मृत्यु भएको छ । उनकी १४ बर्षिया छोरी सृष्टी नेपाली घाइते भएकी छन् । उनको मणिपाल शिक्षण अस्पतालमा उपचार भइरहेको छ ।

यस्तै, पोखरा– ११ बसेरीका एकदेब तिमिल्सिनाको घर पुरिँदा तीन जना घाइते भएका छन् । घाइते हुनेमा एकदेव, उनकी श्रीमती रितु र छोरा गिरिश रहेका छन् ।

तस्वीरः पत्रकार सूर्य बास्तोला मार्फत्