शुक्रबार गण्डकीका ३५० जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १०४८ जनामा गरिएको नमुना परीक्षणमा थप ३५० जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका आठ जिल्लाका छन् । जसअन्तर्गत कास्कीका १९० जना, तनहुँका ३५ जना, गोरखाका २२ जना, लमजुङका सात जना र नवलपुरका ५८ जनामा कोरोना पुष्टि भएको छ ।

यस्तै स्याङ्गजाका २६ जना, पर्वतका सात जना र बागलुङ जिल्लाका पाँच जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ८० हजार ५७४ पुगेको छ ।

पछिल्लो २४ घण्टामा गण्डकीबाट ५४५ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ७५ हजार ४४० पुगेको छ।

शुक्रबार गण्डकीमा थप छ जनाको मृत्यु पुष्टि भएको छ । आज मृत्यु पुष्टि हुनेमा पर्वतका एक जना, स्याङ्गजाका दुई जना र कास्की पोखरा महानगरका तीन जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १२७४ पुगेको निर्देशनालयले जनाएको छ।