बिहीबार गण्डकीका ३२८ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १२३२ जनामा गरिएको नमुना परीक्षणमा थप ३२८ जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका ९८ जना, तनहुँका १२ जना, गोरखाका १८ जना, लमजुङका १४ जना र नवलपुरका १३० जनामा कोरोना पुष्टि भएको छ ।

यस्तै स्याङ्गजाका ४७ जना, पर्वतका एक जना, बागलुङका दुई जनार म्याग्दी जिल्लाका छ जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ८० हजार २२४ पुगेको छ ।

पछिल्लो २४ घण्टामा गण्डकीबाट ६५४ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ७४ हजार ८९५ पुगेको छ।

बिहीबार गण्डकीमा थप नौ जनाको मृत्यु पुष्टि भएको छ । आज मृत्यु पुष्टि हुनेमा तनहुँका एक जना, पर्वतका एक जना, म्याग्दीका एक जना र कास्की जिल्ला पोखरा महानगरपालिकाका विभिन्न वडाका छ जना छन्।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १२६८ पुगेको निर्देशनालयले जनाएको छ।