बुधबार गण्डकीका ४९६ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १६७६ जनामा गरिएको नमुना परीक्षणमा थप ४९६ जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका ११ जिल्लाका छन् । जसअन्तर्गत कास्कीका १९८ जना, तनहुँका २९ जना, गोरखाका २१ जना, लमजुङका चार जना र नवलपुरका ९२ जनामा कोरोना पुष्टि भएको छ ।

यस्तै स्याङ्गजाका २८ जना, पर्वतका २५ जना, बागलुङका ५९ जना, म्याग्दीका आठ जना, मुस्ताङका १६ जना र मनाङ जिल्लाका १६ जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ७९ हजार ८९६ पुगेको छ ।

पछिल्लो २४ घण्टामा गण्डकीबाट ३८० जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ७४ हजार २३९ पुगेको छ।

बुधबार गण्डकीमा थप १२ जनाको मृत्यु पुष्टि भएको छ । आज मृत्यु पुष्टि हुनेमा स्याङ्गजाका दुई जना, बागलुङका एक जना, तनहुँका एक जना, पर्वतका एक जना र कास्की जिल्ला पोखरा महानगरपालिकाका विभिन्न वडाका सात जना छन्।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १२५९ पुगेको निर्देशनालयले जनाएको छ।