नेपाल बङ्गलादेश बैंकले कास्की जिल्ला, पोखरा महानगरपालिकाको खुदी ढुङ्गेपाटनमा शाखा विस्तार गरेको छ।

उक्त सेवा केन्द्रको औपचारिक उद्घाटन पोखरा महानगरपालिका वडा नं। ३० का वडा अध्यक्ष श्रीराम पोखरेलले गरेका थिए।

विस्तारित शाखामार्फत महानगरपालिकाका वडा नं २९, ३०, ३१, ३२ तथा ३३ का हरेक मानिसहरुलाई सहज सेवा दिने बैंकको विश्वास छ।

उक्त शाखा पोखरा बिश्वविद्यालय हाता नजिकै खोलिएकाले त्यहाँ अध्ययनरत बिद्यार्र्थी तथा शिक्षकवर्गसमेत लाभान्वित हुने बैंकको अपेक्षा छ। साथै छरिएर रहेको पुँजी एकिकृत गर्न सघाउँ पुग्नेसमेत विश्वास लिइएको छ।

चेक क्लियरिङ्ग तथा व्यवसायजन्य कारोबारका लागि लागि अन्यत्र जान नपर्ने, सामाजिक सुरक्षा लगायत नेपाल सरकारबाट बैंकिङ
प्रणाली मार्फत प्राप्त हुने सम्पुर्ण सेवाहरू सजिलै प्राप्त गर्ने हुँदा ग्राहक वर्गलाई सुविधा पुग्नेछ।

स्थापनाको २७ औँ वर्ष पूरा गरेको बैंकले आफ्ना एक सय शाखा, आठ एक्सटेन्सन काउन्टर, तथा ८१ वटा एटिएममार्फत बैंकिङ्ग सुविधा प्रदान गर्दै आएको छ।