सोमबार गण्डकीका ६५६ जनामा कोरोना पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १३३९ जनामा गरिएको नमुना परीक्षणमा थप ६५६ जनाको रिपोर्ट कोरोना पोजेटिभ आएको हो।

आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका २३१ जना, तनहुँका छ जना, गोरखाका १६१ जना, लमजुङका चौध जना र नवलपुरका ८२ जनामा कोरोना पुष्टि भएको छ ।

यस्तै स्याङ्गजाका ५१ जना, पर्वतका सात जना, बागलुङका ९० जना र म्याग्दी जिल्लाका चौध जनाको रिपोर्ट कोरोना पोजेटिभ आएको जारी विज्ञप्तिमा उल्लेख गरिएको छ।

आज आज थपिएकासंगै गण्डकीमा कोरोना संक्रमितको कूल संख्या ७६ हजार ३४२ पुगेको छ ।

पछिल्लो २४ घण्टामा गण्डकीबाट ६१६ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ६८ हजार ९७२ पुगेको छ।

सोमबार गण्डकीमा थप १० जनाको मृत्यु पुष्टि भएको छ । आज मृत्यु पुष्टि हुनेमा नवलपुरका एक जना, तनहुँका एक जना, स्याङ्गजाका दुई जना र कास्की जिल्ला पोखरा महानगरका विभिन्न वडाका छ जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १२०२ पुगेको निर्देशनालयले जनाएको छ।