काठमाडौँ । नेपाल रेलवे कम्पनीका महाप्रबन्धक गुरु भट्टराईले पदबाट राजीनामा दिएका छन् । उनले बुधबार पदबाट राजीनामा दिएका हुन्।

तत्कालीन प्रधानमन्त्री केपी शर्मा ओलीले नियुक्त गरेका भट्टराईले आचरणविपरीत काम गरेको भन्दै अघिल्लो मंगलबार वर्तमान सरकारले उनलाई स्पष्टीकरण सोधेको थियो।

भौतिक पूर्वाधार तथा यातायात मन्त्रालय सम्बद्ध सार्वजनिक निकायका पदाधिकारीको नियुक्ति तथा मनोनयम सम्बन्धि मापदण्ड–२०७७ को दफा ९ को खण्ड (घ) मा व्यवस्था नभएको विषय आरोप लगाइ स्पष्टीकरण सोधिएको भन्दै उनले असन्तुष्टि जनाएका थिए ।

‘सरकारले गर्ने जनविरोधी कामहरुको सहयात्री र मुखदर्शक हुन मेरो नैतिक मूल्य मान्यता र मुलुकप्रतिको अगाध प्रेमले नदिने हुँदा मैले आजकै मितिदेखि लागु हुने गरी नेपाल रेलवे कम्पनी लिमिटेडको महाप्रवन्धक पदबाट राजीनामा दिएको छु,’मन्त्रालयललाई बुझाएको राजीनामापत्रमा भट्टराईले लेखेका छन् ।

भट्टराईले केपी ओली नेतृत्वको सरकारले २०७७ जेठ २८ गते नियुक्त गरेपछि असार ४ बाट कार्यभार सम्हालेका थिए ।

यस्तो छ राजीनामा पत्रः