कोरोनाका कारण लामो समय ठप्प भएको पठनपाठन सहज बनाउन विद्यार्थीलाई निःशुल्क चल्ने सिमकार्ड वितरण गरिएको छ । जिल्लाको रम्भा गाउँपालिकाले पालिकाभित्रका विद्यार्थीलाई पठनपाठनमा सहज होस् भनेर एक हजार पाँच सयभन्दा बढी विद्यार्थीहरूलाई निःशुल्क सिमकार्ड वितरण गरेको हो ।
निषेधाज्ञाले लामो समयसम्म विद्यालयमा पठनपाठन हुन नसकेको बेला अनलाइन कक्षाका लागि र फोनमार्फत विद्यार्थीलाई सोधपुछ गर्न सहज होस् भनेर सिमकार्ड वितरण गरिएको गाउँपालिकाले जनाएको छ ।
सिमकार्डबाट विद्यार्थीले शिक्षकलाई सोझै फोन गरेर गृहकार्यका लागि पृष्ठपोषण र पाठ्यपुस्तकको आवश्यक जानकारी लिन सक्नेछन् । निषेधाज्ञाका कारण लामो समय विद्यालय बन्द भएपछि शिक्षण क्रियाकलाप सहज बनाउन सिम वितरण गरिएको रम्भा गाउँपालिकाका शिक्षा संयोजक काशीराम बस्यालले बताए ।
अहिले पनि कोरोना संक्रमण नघटेकाले सिम वितरण गरेर वैकल्पिक माध्यमबाट सिकाइ सुरुवात गरिएको बस्यालले बताए । यसअघि घरमै त्यसै बसेका विद्यार्थीले सिमकार्ड पाउनासाथ विषय शिक्षकलाई सोधपुछ गर्न थालेको रविकिरण मावि पीपलडाँडाका प्रधानाध्यापक केशबहादुर सारुले बताए ।
गाउँपालिकाले हालसम्म कक्षा–४ देखि १० कक्षासम्मका एक हजार सात सय ६५ जना विद्यार्थीलाई निःशुल्क सिम वितरण गरेको जनाएको छ । सातवटा मावि र एउटा आधारभूत विद्यालयका गरी एक हजार सात सय ६५ जना विद्यार्थीलाई सिमकार्ड वितरण गरिसकिएको गाउँपालिकाका अध्यक्ष विष्णुप्रसाद भण्डारीले बताए ।
उनले त्यसका लागि गाउँपालिकाले प्रतिसिम एक सय २५ रुपियाँ विद्यालयलाई रकम उपलब्ध गराएको जानकारी दिए । -गोरखापत्र
This will close in 4 seconds
सम्बन्धित खबर
पृथ्वीनारायण क्याम्पसका प्रमुख प्राडा पाठकले पदभार ग्रहण गरे
कक्षा १० को परीक्षा प्रदेशमा हस्तान्तरण गर्छौं : शिक्षामन्त्री भट्टराई
प्याब्सन दिवसमा शान्ति निकेतनकी अदितिसँगै १७ जना सम्मानित
त्रिभुवन विश्वविद्यालयबाट १४ हजार दीक्षित
विद्यार्थीको प्रतिभा प्रस्फुटनका लागि ‘प्रतिभा आइडल’
कर्मफ्लाइट्सद्वारा रुकुम पूर्वका १७ सय बढी बालबालिकालाई न्यानो ज्याकेट
यो पनि पढौँ
स्याङ्जाका निरजलाई आठौं पटक ठेलोको उपाधि
कथा सकिने डरले चलचित्र निर्देशक बनेका गायक प्रकाश सपूत
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी