युवतीलाई जबर्जस्ती करणी गरेको आरोपमा पोखराको हेमजाबाट एकजना पक्राउ

गण्डक न्यूज सोमबार, ११ श्रावण २०७८

११ श्रावण २०७८

कास्की । १९ वर्षीया युवतीलाई जबर्जस्ती करणी गरेको अभियोगमा कास्की प्रहरीले एक जनालाई पक्राउ गरेको छ।

निज युवतीलाई ललाई फकाई प्रलोभनमा पारी जबर्जस्ती करणी गरेको जाहेरीको आधारमा प्रहरीले एक व्यक्तिलाई सोमबार पक्राउ गरेको हो । पक्राउ पर्नेमा जिल्लाको माछापुछ्रे गाउँपालिका स्थायी घर भइ हाल पोखरा पोखरा महानगरपालिका -२५ हेमजा बस्दै आएका ३२ वर्षीय हर्क बहादुर बि.क रहेका छन् ।

पक्राउ परेका बिक विरुद्ध करणी सम्बन्धी कसुरमा मुद्धा दर्ता गरी थप अनुसन्धान प्रकृया अगाडी बढाईएको कास्कीका प्रहरी प्रवक्ता तथा डिएसपी सुवास हमालले जानकारी दिए ।