चालू आर्थिक वर्षको राजस्व संकलनको लक्ष्य अनुसार उठ्ने देखिएको छ । चालू आर्थिक वर्ष सकिन ४ दिन बाँकी लक्ष्यमा पुग्न १३ प्रतिशतमात्र बाँकी रहेको छ । सरकारले १२ औं महिनाको अन्तिम ४ दिन बाँक़ीसम्ममा १० खर्ब ११ अर्व ७५ करोड ८४ लाख रुपैयाँ राजस्व संकलन गर्ने लक्ष्य राखेकोमा ८ खर्ब ८१ अर्ब ७८ करोड ८३ लाख रुपैयाँ राजस्व संकलन गरेको हो ।

आन्तरिक राजस्व विभागले ४ सय ५० अर्ब रुपैयाँ राजस्व संकलनको लक्ष्य राखेको थियो । हालसम्म त्यसको ८६ प्रतिशत राजस्व संकलनगरिसकेको आन्तरिक राजस्व विभागका महानिर्देशक झक्क प्रसाद आचार्यले जानकारी दिए । उनले भने, “तोकिएको लक्ष्यअसार मसान्तसम्म पुग्ने छ , त्यो भन्दा बढी भने उठ्ने सम्भावना कम छ ।”

महालेखा नियन्त्रकको कार्यालयको तथ्यांक अनुसार सरकारले चालु आव असार मसान्त सकिन लाग्दासम्म ७६.१५ प्रतिशतमात्र खर्च गरेको छ । जसमा सरकारले १४ खर्ब ७४ अर्व ६४ करोड ५४ लाख रुपैयाँखर्च गर्ने लक्ष्य लिएकोमा हालसम्म ११ खर्ब २२ अर्व ९४ करोड ३८ लाख रुपैयाँमात्र खर्च गरेको छ ।