काठमाडौं – एक्सपाएर डेविड कार्ड प्रयोग गरी सिद्धार्थ बैंकको एटिएमबाट पैसा निकालेको अभियोगमा दुई जनालाई भत्केको पुलबाट प्रहरीले पक्राउ गरेको छ ।

पक्राउ पर्नेमा काठमाडौं -५ भत्केको पुल बस्ने सोलुखुम्बु घर भएका ५७ वर्षीय जगत बहादुर गुरुङ र पर्सा घर भएका ३० वर्षीया सावित्री गुरुङ रहेका छन् ।

उनीहरुले सिद्धार्थ बैंकको विभिन्न स्थानमा रहेको एटिम मेसिनबाट एक्सपाएर भएको डेविड कार्ड प्रयोग गरी ३४ लाख ३५ हजार नगद निकालेका थिए ।

महानगरीय प्रहरी परिसर काठमाडौंबाट खटिएको प्रहरीले उनीहरुलाई डेविड कार्ड सहित नगद २१ लाख बरामद गरेको हो ।

प्रहरीका अनुसार उनीहरुले भाटभटेनी ईलाकामा रहेको एटिएमबाट उक्त रकम निकालेको र निकालेको रकममध्ये १० लाख ५० हजार सहकारीमा राखेको अनुसन्धानबाट खुल्न आएको परिसरले जनाएको छ ।

पक्राउ परेका उनीहरुमाथि आवश्यक अनुसन्धान गरिरहेको प्रहरीले जनाएको छ ।