पोखरा । पोखरामा एक दम्पतीले आफ्ना बुबा–आमाको स्मृतिमा खाद्यान्न सहयोग गरेका छन् ।

पोखरा पृथ्वीचोक स्थित होटल निलगिरीका संचालक बद्रि ज्वारचन र उनकी श्रीमती सुन कुमारी ज्वारचनको दम्पतीले आफ्ना बुबा–आमाको स्मृतिमा २१ विपन्न परिवारलाई खाद्यान्न सहयोग गरेका हुन् ।

ज्वारचन दम्पतीद्वारा प्राप्त खाद्यान्न हिजो (शुक्रबार) वितरण गरिएको कलाकार तथा सामाजिक अभियन्ता मिलन शेरचनले जानकारी दिइन् ।

शेरचनका अनुसार बद्रि ज्वारचनका दिवङ्गत बुबा ढुङ्बा कान्छा र आमा मोलो स्हाङ्मो तथा उनकी श्रीमतीकी बुबा मनबिर हिराचन र आमा सुक देवी हिराचनको स्मृतिमा खाद्यान्न राहत सहयोग गरिएको हो ।

प्रतिव्यक्ति रु. १२०० को (चामल, दाल, नुन, तेल, मस्यौरा, बेसार, मसला, खुर्सानी, चिउरा र बिस्कुट) दरले राहत वितरण गरिएको शेरचनले जानकारी दिइन् ।

उनले सहयोगका लागि ज्वारचन दम्पतीलाई धन्यवाद व्यक्त गर्दै सबैमा राहत सहयोग अभियानमा हातेमालो गर्न आग्रह गरेकी छन् ।