पोखरा ।  संघ सरकारले आगामी आर्थिक वर्षका लागि ६ महागरपालिकालाई १० अर्ब ९ करोड २८ लाख रुपैयाँ बजेट विनियोजन गरेको छ । जसमा आगामी आर्थिक वर्ष २०७८/७९ का लागि संघ सरकारबाट प्रदेश र स्थानीय तहमा जाने बजेटमा पोखरा महानगरपालिकाले सबैभन्दा धेरै बजेट पाएको छ ।

अन्तरसरकारी वित्तीय हस्तान्तरणअन्तर्गत पोखरा महानगरपालिकाले सबैभन्दा बढी २ अर्ब ५६ करोड, काठमाडौं महानगरपालिको २ अर्ब १ करोड रुपैयाँ बराबरको बजेट पाएको छ भने, सबैभन्दा कम बजेट बिराटनगर महानगरपालिकाले १ अर्ब १९ करोड ५३ लाख रुपैयाँ बराबर मात्रै पाएको छ ।

कुनले कती पाए ? 

• काठमाडौं महानगरपालिका
  काठमाडौं महानगरपालिकाले २ अर्ब १ करोड ३७ लाख रुपैयाँ बराबरको बजेट पाएको छ । काठमाण्डौले समानीकरण अनुदानमा ७५ करोड २८ लाख र सशर्त अनुदानमा १ अर्ब २६ करोड ९ लाख गरी २ अर्ब १ करोड ३७ लाख रुपैयाँ बराबरको बजेट पाएको हो ।
• ललितपुर महानगरपालिका
  ललितपुर महानगरपालिकाले १ अर्ब २२ करोड ५४ लाख रुपैयाँ बराबर बजेट पाएको छ।
• भरतपुर महानगरपालिका
  भरतपुर महानगरपालिकाले १ अर्ब ६४ करोड २८ लाख रुपैयाँ बराबरको बजेट पाएको छ ।

• पोखरा महानगरपालिका
  पोखरा महानगरपालिकाले आगामी आर्थिक वर्षका लागि २ अर्ब ५६ करोड १६ लाख रुपैयाँ बराबरको बजेट संघ सरकारबाट पाएको छ । जसमा चालुतर्फ २ अर्ब १६ करोड ५० लाख र पुँजीगततर्फ ३९ करोड ६६ लाख रुपैयाँ बराबरको बजेट महानगरले पाएको छ ।

• वीरगञ्ज महानरपालिका
  वीरगंज महानगरपालिकाले १ अर्ब ४५ करोड ४० लाख रुपैयाँ बराबरको बजेट पाएको छ ।
• बिराटनगर महानगरपालिका
  बिराटनगर महानगरपालिकाले १ अर्ब १९ करोड ५३ लाख रुपैयाँ बराबरको बजेट पाएको छ ।