पोखरा – पछिल्लो २४ घण्टामा गण्डकीका ६२४ जनामा कोरोना संक्रमण पुष्टि भएको छ।

प्रदेश स्वास्थ्य निर्देशनालयको दैनिक कोरोना सम्बन्धी प्रेस विज्ञप्ति अनुसार प्रदेशका विभिन्न प्रयोगशालामा गरिएको १ हजार १५६ पीसीआर परीक्षणमा ६२४ जनाको रिपोर्ट कोरोना पोजेटिभ आएको हो ।

आज संक्रमण पुष्टि हुनेमा कास्कीका ३५६ जना, तनहुँका ३७ जना, गोरखाका २५ जना, लमजुङका ३ जना र नवलपुरका ४५ जना छन् ।

यस्तै, स्याङ्गजाका ८६ जना, पर्वतका ६० जना, बाग्लुङका २ जना, म्याग्दीका ८ जनार मुस्ताङ जिल्लाका २ जनामा कोरोना पुष्टि भएको निर्देशनालयले जनाएको छ।

आज पुष्टि भएकासंगै गण्डकीमा कोरोना संक्रमितको कूल संख्या २४ हजार ५०६ पुगेको छ । जसमा ६ हजार ३३ सक्रिय संक्रमित छन्।

पछिल्लो २४ घण्टामा गण्डकीबाट ११२ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या १८ हजार १८५ पुगेको छ।

मंगलबार पनि गण्डकीमा थप १२ जनाको मृत्यु पुष्टि भएको छ । आज मृत्यु पुष्टि भएका १२ जनासंगै गण्डकीमा कोरोना संक्रमणका कारण ज्यान गुमाउनेको संख्या २८८ पुगेको जारी विज्ञप्तिमा उल्लेख गरिएको छ ।