काठमाडौं । नेकपा एमालेका नेता तथा लुम्बिनी प्रदेशका मुख्यमन्त्री शंकर पोखरेलले डा. खिमलाल देवकोटाको तुलना गृहमन्त्री बादलसँग हुन नसक्ने दावी गरेका छन् ।

शनिबार सामाजिक सञ्जालमार्फत उनले देवकोटासँग वादलको तुलना हुन नसक्ने कुराको मनन गर्न आग्रह गरेका छन् । उनले नेता माधवकुमार नेपालको तुलना बादलसँग हुन नसके जस्तै बादलसँग देवकोटाको तुलना हुन नसक्ने बताएका हुन् ।

“जसरी माधव कमरेडको तुलना बादल कमरेडसँग हुँदैन भनेर हामी भन्छौं, त्यसरी नै बादल कमरेडको तुलना खिमलाल देवकोटासँग हुनै सक्तैन । मनन गरौं,” उनले भनेका छन् ।

जेठ ६ गते हुने राष्ट्रिय सभा निर्वाचनमा विपक्षी गठबन्धन र एमालेका नेता माधवकुमार नेपाल समूहले देवकोटालाई साझा उमेदवारको रुपमा खडा गरेको छ । एमालेले बादललाई उमेदवार बनाएको छ । उनले माधव समूहप्रति कटाक्ष गर्दै नेताहरुको तुलना हुन नसक्ने बताएका हुन् ।

तर कमेन्ट ‘कोभिडले जनता मरिरहेका छन्, चिन्ता कता मुख्यमन्त्री ज्यू ?’ भन्दै बर्सिरहेका छन् ।