पोखरा – कोरोना संक्रमणका कारण पोखरामा एकैपटक ८ जनाको मृत्यु पुष्टि भएको छ ।

गण्डकी प्रदेश स्वास्थ्य निर्देशनालयका अनुसार कोरोना पोजेटिभ भएर पोखरामा उपचाररत ८ जना संक्रमितको मृत्यु पुष्टि भएको हो ।

मृत्यु पुष्टि हुनेमा कास्की जिल्ला पोखरा महानगरपालिका -१६ निवासी ७७ वर्षीय पुरुष, पोखरा -२६ निवासी ५८ वर्षीया महिला, पर्वत जिल्ला कुश्मा नगरपालिका -५ निवासी ७६ वर्षीमा महिला, दाङ जिल्ला राप्ति गाउँपालिका घर भइ पोखरामा उपचारतरत ४३ वर्षीय पुरुष, कास्की जिल्ला पोखरा -१६ निवासी ७३ वर्षीया महिला, पोखरा -१० निवासी (वर्ष नखुलेको ) महिला, पोखरा -१९ निवासी ५४ वर्षीय पुरुष, र रुपन्देही जिल्ला बुटवल उपमहानगरपालिका -३ निवासी ७५ वर्षीय पुरुष रहेका छन्।

थप भएका मृतकसंगै गण्डकीमा कोरोना संक्रमणका कारण ज्यान गुमाउनेको संख्या २३१ पुगेको निर्देशनालयका प्रमुख डा. विनोद विन्दु शर्माले जानकारी दिए ।