कोभिड–१९ संक्रमण पुनः बढ्न थालेसँगै देशभर निषेधाज्ञा भोषणा गर्ने क्रम सुरु भउको छ । वैशाख १६ गतेदेखि काठमाण्डौ उपत्यकाका ३ वटै जिल्लामा निषेधाज्ञाा सुरु हुँदैछ । २ दिन काठमाण्डौ छाड्नेलाई समय दिइएको प्रशासनले जनाएको छ ।

यही कारण अहिले काठमाडौं उपत्यका छाड्नेको संख्या ह्वात्तै बढेको छ। पहिलेजस्तै अभावले हुने त्रासले उपत्यका बाहिरिनेको संख्या दिनहुँ बढ्न थालेको छ। पोखरामा पनि पहिलेको तुलनामा बसपार्कमा भिडभाड देखिएको छ । अब, काम बन्द हुने र लकडाउन पूर्ण रुपमा भएमा खान पनि नपाइने पीरमा आफ्ना घर फर्कन सुरु भएको छ ।

सामान्य अवस्थाभन्दा दैनिक दुई गुणा बढी यात्रुबाहक बसले काठमाडौं उपत्यकाका छाडिरहेका महानगरीय ट्राफिक प्रहरी प्रवक्ता श्यामकृष्ण अधिकारीले बताए। बिहीबार मात्र काठमाडौं उपत्यकका विभिन्न नाका भएर ७ हजार ७ सय गाडीले उपत्यका छाडेका उनले बताए।

लामो दूरीका बसमा समेत सरकारले तोकेको स्वास्थ्य सुरक्षाका मापदण्ड नहुँदा यात्रुहरू जोखिम मोलेर घर फर्किन बाध्य छन्।