काठमाडौं – गण्डकी प्रदेश, कांग्रेस संसदीय दलको बैठक बस्दैछ । सरकार गठन र आगामी रणनीतिबारे आज (शनिबार) दिउँसो छलफलका लागि कांग्रेसले बैठक डाकेको हो ।

नयाँ सरकार निर्माण लागि भोलि (आइतबार) लाई गण्डकी प्रदेशसभाको विशेष अधिवेशनको आह्वान गरिएको छ । आजको बैठकमा यस विषयलाई केन्द्रमा राखेर छलफल हुनेछ ।

विशेष अधिवेशनको विषयमा छलफल गर्न आजै माओवादी केन्द्र र जनता समाजवादी पार्टी (जसपा)ले पनि आन्तरिक गर्दै छन् । मुख्यमन्त्री पृथ्वी सुब्बा गुरुङको सरकारलाई विस्थापन गरेर गण्डकी प्रदेशमा काँग्रेसको नेतृत्वमा सरकार बनाउन माओवादी केन्द्र, राष्ट्रिय जनमोर्चा (राजमों) र जसपाबीच समझदारी बनेको छ ।

उनीहरुसँग बहुमत देखिएकाले नेपाली काँग्रेसको नेतृत्वमा सरकार बन्ने निश्चित जस्तै देखिएको छ । काँग्रेसले गण्डकी प्रदेश संसदीय दलका नेता कृष्णचन्द्र नेपालीलाई मुख्यमन्त्रीका रुपमा अगाडि सारेको छ ।