ज्योति लाईफ इन्स्योरेन्स कम्पनी लिमिटेडले साधारण सेयर आईपीओ निष्कासन तथा बिक्री खुल्ला गरेर पनि बन्द गरेको छ । कम्पनीले प्रतिकित्ता १०० रुपैयाँ अंकित दरमा ६६ करोड रूपैयाँ बराबरको ६६ लाख कित्ता आइपिओ निष्कासन तथा बिक्री खुल्ला गरेको थियो । जसमध्ये ५ प्रतिशत अर्थात् ३ लाख ३० हजार कित्ता सामूहिक लगानी कोषहरुलाई, ३ लाख ३० हजार कित्ता कर्मचारीहरुलाई र बाँकी रहेको ५९ लाख ४० हजार कित्ता सर्वसाधारणको लागि निष्कासन गरेको हो ।

उक्त साधारण सेयर सर्वसाधारणमा सार्वजनिक गर्न निष्कासन तथा बिक्री प्रबन्धकको काम एनएमबि क्यापिटल लिमिटेडले गरेको छ । आइपिओमा लगानीकर्ताले न्यूनतम १० कित्तादेखि अधिकतम ६६ हजार कित्ताको लागि आवेदन दिन सक्थे ।

लगानीकर्ताले एनएमबि क्यापिटल लिमिटेड, नक्साल, काठमाडौं, ज्योति लाइफ इन्स्योरेन्स कम्पनी लिमिटेड तथा नेपाल धितोपत्र बोर्डबाट स्वीकृती प्राप्त गरेका सम्पूर्ण सिआस्वा सेवामा सहभागी बैंक तथा वित्तीय संस्था र तिनका शाखा कार्यालयहरुबाट आवेदन दिने ब्यबस्था गरिएको थियो
ज्योति लाइफ इन्स्योरेन्सको प्राथमिक सेयर आइपिओमा हालसम्मकै धेरै आवेदन परेको छ ।
सिडिएस एण्ड क्लियरिङका प्रवक्ता सुरेश न्यौपानेका अनुसार १८ लाख ४ हजार ६४८ जनाले आवेदन दिएका छन्। सो संख्याले ३ करोड ८० लाख ५७ हजार कित्ताका लागि आवेदन दिएका छन्। साँझ ५ बजेसम्म सो संख्याको आवेदन परेको हो ।

कम्पनीको आइपिओ गत शुक्रबारदेखि बिक्री खुल्ला गरिएको थियो । कुल ६६ लाख कित्ता सर्वसाधारण समूहको सेयर जारी भएको हो । जसमा कर्मचारी र सामुहिक लगानी कोषलाई छुट्याएपछि बाँकी रहेको ५९ लाख ४० हजार कित्ता सेयर सर्वसाधारणलाई बाँडिनेछ । आइपिओ भरेकामध्ये ५ लाख ९४ हजार जनाले मात्रै १० कित्ताका दरले पाउने छन्, १२ लाखको हात रित्तो हुनेछ । यीमध्ये प्रक्रिया नपुगेका आवेदन पहिले नै अस्वीकृत हुनेछन् ।