नेकपा एमाले वरिष्ठ नेता माधवकुमार नेपालले आफू निकट स्थायी कमिटी सदस्यहरुसँग छलफलमा जुटेका छन् । बानेश्वरको एक होटलमा जारी छलफलमा एमालेभित्र अपनाउने रणनीतिबारे छलफल भइरहेको एक सदस्यले जानकारी दिए । स्थायी कमिटीमा नेपालको पक्षमा ११ सदस्य छन् ।

नेपालले बुधबार आफू पक्षीय केन्द्रीय सदस्यको भेला गरेका थिए । भेलाले वामपन्थी सरकारको निरन्तरता, एमाले एक ढिक्का र असहमतिका विषयमा पार्टीभित्रै संघर्षको नीतिलाई अगाडि सार्ने रणनीति निश्कर्ष निकालेको थियो । साथै एमालेलाई एकताबद्ध गर्ने निर्णायक भूमिका अध्यक्ष एवं प्रधानमन्त्री केपी शर्मा ओलीकै रहेको र विगतका सबै कुराहरुलाई बिर्सनु पर्ने निष्कर्ष पनि भेलाको थियो ।

त्यसका लागि तत्काल स्थायी र केन्द्रीय कमिटी बैठक बोलाएर छलफल गर्नुपर्ने माग यो समूहको छ । सर्वोच्च अदालले एमाले ब्युँत्याइदिएपछि पनि ओली समूह र नेपाल समूहबीच छलफलसमेत भएको छैन ।