पोखरा । पोखरा उपमहागनरपालिकाबाट महानगरपालिका घोषणा भएको ५ वर्ष पूरा भएको छ । २०७३ साल फागुन २७ गते महानगर घोषणा भएको थियो ।

सोहि अवसरमा पोखरा महानगरपालिकाले आज (बुधबार) सार्वजनिक बिदाको सूचना जारी गरेको छ । फागुन १९ गते बसेको कार्यपालिका बैठकको निर्णण अनुसार महानगरपालिका मातहतका कार्यालयहरु बुधबार बन्द रहने सुचना जारी गरेको हो ।

पोखरा महानगर स्थापना दिवसको अवसरमा महानगरले फागुन २६ गते बिदा दिने निर्णय गरेको हो । फागुन २७ गते शिवरात्री परेकाले पोखरा महानगरले २६ गते दिवस मनाउन लागेको हो । महानगरको कार्यालय, वडा कार्यालयहरु सहित त्यस मातहत रहेका महाशाखा तथा शाखा कार्यालहरु बन्द रहनेछन् । महानगरका कार्यालय बिदा हुने भए पनि विद्यायल, क्याम्पस भने बन्द हुनेछैन ।

पोखरा महानगरपालिकाले पाँचौँ स्थापना दिवसको अवसरमा बुधबार प्रभातफेरी, सम्मान लगायतका कार्यक्रम तय गरिएको छ । महागनरले स्थापना दिवस त्रिदवसीय कार्यक्रम आयोजना गरेको हो ।