राष्ट्र बैंकले मोबाइल बैंकिङ र इन्टरनेट बैंकिङको दैनिक कारोबार सीमा बढाएको छ । बुधबार परिपत्र जारी गरी उक्त सीमा बढाइएको हो ।
नयाँ व्यवस्था अनुसार अब मोबाइल बैंकिङमा दैनिक २ लाख, इन्टरनेट बैंकिङ (मर्चेण्ट पेमेन्ट) र इन्टरनेट बैंकिङमा दैनिक २०र२० लाख रुपैयाँसम्मको कारोबार गर्न पाइनेछ । यसअघि मोबाइल बैंकिङमा दैनिक १ लाख, इन्टरनेट बैंकिङ (मर्चेन्ट पेमेन्ट) र इन्टरनेट बैंकिङमा दैनिक १०र१० लाख रुपैयाँसम्मको कारोबार गर्न पाइने व्यवस्था थियो ।
तर, कुनै व्यक्तिको नाममा बैंक तथा वित्तीय संस्थामा रहेको एउटा खाताबाट सोही व्यक्तिको नाममा सोही संस्थामा रहेको अर्को खातामा पैसा रकमान्तर गर्न, सरकारलाई भुक्तानी गर्नुपर्ने कर, राजस्व, जरिमाना, सवारी दस्तुर, रजिस्ट्रेसन, सेवा शुल्कजस्ता विविध शुल्क भुक्तानी गर्न, विद्युत् सेवा, दूरसञ्चार सेवा, खानेपानी सेवा, बिमा शुल्क, सामाजिक सुरक्षा भत्ताको रकम भुक्तानी गर्न विद्युतीय कारोबारमा सीमा लागू नहुने राष्ट्र बैंकले प्रस्ट्याएको छ ।
यस्तै शिक्षण संस्था, स्वास्थ्य संस्था, हवाई सेवा, यातायात सेवा र होटल तथा रेस्टुरेन्ट सेवा कारोबारको भुक्तानी गर्नुपर्ने रकम, सेयर कारोबारमा भुक्तानी गर्नुपर्ने रकम र राष्ट्र बैंकबाट अनुमति लिएका अन्य भुक्तानीका विशेष उपकरणको हकमा पनि सीमा नलाग्ने परिपत्रमा उल्लेख छ ।
यद्यपि भुक्तानीसम्बन्धी कारोबारको जोखिम मूल्यांकन र व्यवस्थापन सम्बन्धित संस्थाको हुने भएकाले ती संस्थाले आफ्नो जोखिमको स्तरलाई आधार मानी आन्तरिक सीमा कायम गर्न सक्ने छुट पनि राष्ट्र बैंकले दिएको छ । केही वर्षयता राष्ट्र बैंकले विद्युतीय कारोबारलाई प्रोत्साहन गर्दै आएको छ ।
सोही क्रममा भुक्तानी प्रणाली सुदृढीकरण, सबै प्रकारका विद्युतीय कारोबारको अभिलेख कायम र नेपाल क्लियरिङ हाउसलाई राष्ट्रिय भुक्तानी स्विचको स्थापना गर्न सैद्धान्तिक स्वीकृति प्रदान गरिएको छ । विद्युतीय भुक्तानीमा क्विक रेस्पोन्स (क्यूआर) कोडमार्फत हुने भुक्तानीलाई व्यवस्थित गर्न यससम्बन्धी मापदण्ड पनि जारी गरिसकेको छ । राष्ट्र बैंकका अनुसार गत पुसमा मात्र क्यूआर कोडमार्फत ३ लाख ७२ हजार कारोबार भएका छन् ।
गत साउनको तुलनामा पुसमा यस्तो कारोबार करिब ९१ प्रतिशत बढेको छ । गत साउनमा क्यूआर कोडमार्फत १ खर्ब ९५ हजार वटा कारोबार भएका थिए । गत साउनको तुलनामा पुसमा क्यूआर कोडमार्फत भएको कारोबार रकममा पनि १ सय ११ प्रतिशत वृद्धि भएको छ ।
पछिल्ला साताहरूमा काठमाडौं उपत्यकाबाहिर पनि क्यूआर कोडमार्फतको कारोबार विस्तार भइरहेको राष्ट्र बैंकले जनाएको छ ।
कान्तिपुरमा समाचार छ ।
सम्बन्धित खबर
प्रतिपक्षी दलको बैठक: रवि लामिछानेलाई पक्राउ गर्न खोजे प्रतिवाद गर्ने
रविलाई पक्राउ गर्न लागिएको चर्चाले रास्वपाभित्र तरङ्ग, प्रतिपक्षी दलको बैठक बस्यो
आज र भोलि देशैभर भिटामिन र जुकाको औषधि खुवाइँदै
कीर्तिपुर जग्गाको साइनो ललिता निवाससँग छैन – शंकर पोखरेल
रास्वपा अनुशासन आयोगका उपप्रमुखले दिए पदबाट राजीनामा
भोलि र पर्सि बालबालिकालाई भिटामिन ‘ए’ र जुकाको औषधि खुवाइँदै
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
दशैंमा तनहुँ ससुराली आएका ज्वाईंको मादीले बगाएर मृत्यु