लाईसेन्स साथमा नभएपछि ट्राफिक प्रहरीको जरिवाना कारवाहीबाट बच्न भाग्दै गर्दा उदयपुर घर भएकी सिर्जना राईले ज्यान गुमाएकी छन् ।

ललितपुरको जावलाखेलमा सोमबार दिउँसो ट्राफिक प्रहरीको आकस्मिक चेकिङ छल्न भाग्दै गरेकी सिर्जनाको प्र ३–०२–०१० प ५५८९ नम्बरको स्कुटरबाट दुर्घटना भई मृत्यु भएको हो ।

चेकजाँच भइरहेको देखेपछि आफूसँग लाईसेन्स नभएकी सिर्जना ट्राफिकको आँखा छलेर भाग्न खोजेकी थिईन् । तर, चेकिङको क्रममा ड्युटीमा खटिएका प्रहरीले पछाडिबाट स्कुटर तानेर रोक्ने कोशिस गर्दा स्कुटर अनियन्त्रीत भई लडेको प्रत्यक्षदर्शी रमेश थापाले बताए । उदयपुर स्थायी घर भएकी २३ वर्षीया सिर्जना काठमाडौंको नखिपोट बस्दै आएकी थिईन् ।

ट्राफिक प्रहरीले जवरजस्ती स्कुटर पछाडीबाट तानेर अयिन्त्रत भई लडेकी सिर्जनालाई बा २ ख ३५७४ नम्बरको बसको चक्काले कुल्चेको थियो ।

घटनालगतै उद्दार गरी अल्का अस्पताल पु¥याएलगतै ज्यान गएको महानगरीय प्रहरी परिसर, ललितपुरकी एसएसपी किरण बज्रचार्यको भनाई छ ।