मोटरसाइकल र ट्रक एकआपसमा ठक्कर खाएर आगालागी हुदाँ दुई जनाको मृत्यू भएको छ । पृथ्वीराजमार्ग अन्तर्गत धादिङको थाक्रे गाउँपालिका वडा नम्बर ८ को चार किलास्थित एभरेष्ट पम्प नजिकै ट्रक र मोटरसाइकल जुधेका थिए। लगत्तै आगो लाग्दा मोटरसाइकमा सवार दुईजनाको जलेर मृत्यु भएको छ।

गल्छिबाट काठमाडौंतर्फ जाँदै गरेको बा प्र ३ ०२ ००९प ८२३० नम्बरको मोटरसाइकल विपरीत दिशाबाट आउँदै गरेको ना १ क ६५४७ नम्बरको ट्रकसँग ठोक्किएर दुर्घटना हुँदा मोटरसाइकलमा एक्कासी आगो लागेको स्थानीयले बताएका छन् ।

दुर्घटनामा मृत्यु हुनेको सनाखत भएको छ । ईलाका प्रहरी कार्यालय खानीखोलाका प्रहरी निरिक्षक रुपा थापाका अनुसार मृत्यु हुनेमा धादिङको नीलकण्ठ नगरपालिका घर भएका ६० वर्षीय बलराम अधिकारी र उहाँका छोरा ३० वर्षीय डा. सुरेश अधिकारी रहेका छन् ।

ट्रक सँग ठोक्किएपछि मोटरसाईकलमा आगलागी भएको थियो । आगलागीका कारण मोटरसाईकल पनि पुर्ण रुपमा क्षति भएको छ ।  दुर्घटनास्थल धार्के बजार बाट १ किलोमिटर महादेववेशी तर्फ हो ।

एक्कासी आगोलागी भएपछि स्थानीयले निभाउने प्रयास गरेपनि सफल नभएको बताएका छन्।