फुटबल जगतका दुई स्टार खेलाडी क्रिस्टियानो रोनाल्डो र नेमार जुनियरले जन्मदिन मनाउँदैछन्।

पोर्चुगलमा सन् १९८५ फेब्रुअरी ५ मा जन्मिएका रोनाल्डो आज देखि ३६ वर्ष पुगे भने ब्राजल साओ पाओलोमा जन्मिएका नेमार आजदेखि २९वर्षमा प्रवेश गरे।

रोनाल्डोका पिता माली थिए । आमा अरुको घरमा खाना पकाउने काम गर्थिन् । उनका चार जना भाईबहिनी थिए । जस्तापाताको छाना भएको घरमा बसोबास गर्ने रोनाल्डोलाई विद्यालयमा भर्ना हुन निकै मुश्किल परेको थियो ।

उनी पढाईभन्दा फुटबलमा धेरै रुची राख्थे । उनले करिब ८ वर्षकै उमेर स्थानीय टीमबाट खेल्न सुरु गरेका हुन् । उनको खेल देखेर वल्र्ड अन्डर १७ टीममा लिइएको थियो ।

करिब ८ वर्षकै उमेरमा इंग्लिश फुटबल क्लब म्यानचेस्टर युनाइटेडले उनलाई १७ मिलियन अमेरिकी डलरमा साइन गराएको थियो । धेरै वर्षसम्म स्पेनको फुटबल क्लब रियल म्याड्रिड मा रहेका रोनाल्डो हाल फ्रेन्च फुटबल एक्न्का लागि खेल्ने गर्छन् ।

यस्तै, नेमार पनि गरिब परिवारमा जन्मिएर फुटबलमा चम्किएका खेलाडी हुन् । उनको बाल्यकाल ब्राजिलको साओ पाउलोमा मोगी डास कृजेस नामक झुपडीमा बितेको थियो । उनका पिता फुटबलका राम्रा खेलाडी थिए । तर घरको अवस्था भने नाजुक थियो ।

घरपरिवार चलाउन उनका पिता अलग अलग काम गर्ने गर्थे । पिताले गरिबीका बाबजुत पनि उनलाई फुटबल खेल्न रोकेनन् । उनी ११ वर्षको उमेरमा ब्राजिलको चर्चित एफसी सेन्टोस क्लबमा जोडिए । उनी सन् २००९ मा ब्राजिल टीमको कप्तान थिए । उनी सन् २०१७ मा विश्वकै महंगो फुटबलर बनेका थिए ।