पोखरा १४ मझेरीपाटन निवासी इमेश तामाङ सम्पर्क विहीन भएको भन्दै आफन्त तथा साथीभाइले खोजी सुरु गरेका छन् ।

गत माघ ९ गते दिउसो ३ देखि ४ बजेको समयमा घरबाट निस्केका इमेश  हालसम्म घर नफर्केपछि परिवारजनले उनको खोजीका लागि सम्पूर्णमा अनुरोध गरेका छन् ।

उनी नफर्केपछि प्रहरी कार्यालयमा जानकारी गराइएको र सामाजिक सञ्जालहरुमा मानिस हराएको सूचना जारी गरिएको उनका बुबा सुक बहादुर तामाङले जनाए । उनका अनुसार इमेश डिप्रेशनका बिरामी थिए । हराउनु ३ दिनअघिबाट उनले औषधि प्रयोग गर्न छाडेको सुकबहादुरले बताए ।

इमेशले आफूले प्रयोग गर्ने मोबाइल घरमै छाडेर हिँडेको उनले गण्डकन्यूलाई बताए । इमेशले कालो हुड र खैरो ट्रयाक लगाएका छन् । उनको उचाई ५.८ रहेको छ ।

पोखरामा उनको खोजीका लागि परिवार र साथीभाइ जुटेका छन् । इमेशलाई देख्ने वा भेट्ने व्यक्तिले नजिकको प्रहरी कार्यालय वा मोबाइल नं. ९८४६२२६४८८ वा ९८१८८७९६२७ मा सम्पर्क गर्न अनुरोध गरिएको छ ।