पोखरा – शुक्रबार पोखराका २० सहित गण्डकीमा थप ४६ जनामा कोरोना पुष्टि भएको छ ।

आज गण्डकीका २५५ जनामा गरिएको परीक्षणमा थप ४६ जनाको रिपोर्ट कोरोना पोजेटिभ आएको प्रदेश स्वास्थ्य निर्देशनालयले जनाएको छ ।

आज पुष्टि भएका संक्रमित प्रदेशका ५ जिल्लाका छन् । जसअन्तर्गत कास्कीको पोखरा महानगरका २० जना, तनहुँमा १२ जना, लमजुङमा ३ जना, स्याङ्गजामा २ जना र बाग्लुङ जिल्लाका ९ जनाको रिपोर्ट पोजेटिभ आएको छ ।

आज थपिएका संक्रमित संगै गण्डकीमा कोरोना संक्रमितको कूल संख्या १४ हजार ९ सय २२ पुगेको छ । जसमा सक्रिय संक्रमित ७४२ छन् ।

पछिल्लो २४ घन्टामा गण्डकीबाट ७१ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १३ हजार ९ सय ८५ पुगेको छ ।

शुक्रबार कोरोना संक्रमणका कारण थप एकजनाको मृत्यु पुष्टि भएको छ । मृतक कास्की जिल्ला पोखरा महानगरपालिका -१२ निवासी ६२ वर्षीया महिला रहेकी छन् । उनको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको अस्पतालले जनाएको छ ।

यो संगै, गण्डकीमा कोरोना संक्रमणका कारण ज्यान गुमाउनेको संख्या १९५ पुगेको निर्देशनालयले जनाएको छ।